وصفه محصلتش لتنعيم الشعر وغزارته ولمعانه كالماس

لكل البنات والسيدات اللى عايزه خلطات طبيعيه للشعر لان الشعر بالنسبه للمرأه تاج لها وانا النهارده جيبلكم خلطه الثوم وزيت الخروع لتطويل ونعومه وكثافه الشعر واليكم الوصفه بخطوات سهله وبسيطه يارب تعجبكم.

تجيبي الثوم بقشره وسيبه زي ماهوه بخيره لان القشره مفيده جدا وبعدين تضيفي عليه زيت الخروع وتحطيهم في قزازه فاضيه يعنى مثلا فى علبه مربي فاضيه نصها زيت الخروع واقل من نصها ثوم مهروس بالهون وبقشره زي متفقنا وتسبيهم في مكان فيه شمس لمده 36 ساعه.



تكوني غاسله شعرك وزي الفل وبعدين تدهني شعرك من جذورة وتركزي في الاماكن الفاضيه وتتدلكي جامد اوي وتسيبه تقريبا لمده 5 ساعات.

 وبعد ذلك حطي بونيه علي شعرك قومي اعملي اي حاجه في الشقه وانسي الوصفه خالص ولما تخلصي يا ستي اغسلي شعرك هنعمل كده من مرتين الي تلات مرات

 ولو هتسالي عن الريحه بصي يا ستي اولا مفيش حاجه سحريه و اهم حاجه النتيجه ولو استعملتي شامبو هيربل هيزيل الريحه تمام اغسليه وجففيه كويس لمزيد من الوصفات الطبيعيه ادخلوا بمختلف أقسام موقعنا.

(مع تحيات الطب الشعبي)